5 најдобри ресторани под отворено небо

Детали

петок, 29 август 2014

Од дивините, па се до центарот на самиот град, нема подобро чувство од опуштена вечера под ѕвезди.

Наједноставната вечера станува многу подобра ако атмосферата ја надополнува ѕвезденото небо, нежното ветре и погледот кон бесконечноста, баш како во овие 5 светски ресторани:

The Cliff at Cap, Сент Лусија

Овој ресторан со поглед на Карипското море веќе беше прогласен за најбараниот ресторан во оваа област. Се наоѓа на раб на карпа која нуди поглед кон бесконечноста на водената површина. Со мешавина на современата француска и карипска кујна, ова е доживување кое го одзема здивот.

Flames of the Forest, Австралија

Овој бар се наоѓа во прашума, оддалечен од цивилизацијата. Тука сите посетители се добро скриени, под голем шатор на кој е импровизирано ѕвездено небо од светилки. Во понудата на овој ресторан влегуваат и неколку специјалитети како што се месо од крокодил и ној, ракови и риби, па се до тропско овошје и свеж зеленчук од целиот свет.

Sanctuary, Замбија

Малку подигнат од земјата, овој ресторан се наоѓа во националниот парк South Luangwa, со поглед на савана. Поделен е на 7 шатори од кои секој има сопствена тераса, на која можете да го следите движењето на животните додека уживате во врвни специјалитети.

Sirocco, Банкок

Еден од култните ресторани во Банкок се наоѓа на 63-от кат, на висок облакодер со поглед на раздвижениот град. Тука можете да уживате во опуштените звукови на џезот, додека шефот на кујната ви подготвува медитерански специјалитети.

Embers, Јужноафриканска Република

Овој ресторан со 5 ѕвезди нуди вкусови од цела јужна Африка, со незаборавен поглед кон околните карпести предели. Главна атракција е оганот околу кои се поставени сите маси, додека менито се темели на автентична храна од оваа област.