Kуќичка со галерија: Совршен мини дом за млад пар

Детали

вторник, 21 февруари 2017

Подгответе се да бидете воодушевени! Со површина од само 33 метри квадратни, оваа преубава скандинавска куќичка е мало станбено чудо.

Станува збор за модерна архитектонска градба во Шведска, која однадвор е oбложена со дрво, што ѝ дава несекојдневно привлечен рустичен призвук. Приватниот влез, градината, како и големите прозорци со кои комплетно е отворена кон средината, сочинуваат само дел од нејзиниот автентичен шарм.

Ентериерот, пак, открива внимателно испланиран и едноставно уреден простор, чиј дизајн се карактеризира со светли бои и умереност кога се деталите во прашање. Преовладува неутралната палета на тонови, од чисто бела до темно сива, но и по некој зелен акцент.

Куќичката се протега на два ката, со приземје во кое се позиционирани  дневниот престој, кујната и бањата, како и втор кат во облик на отворена галерија, каде се наоѓа удобната спална соба.

Совршено катче за престој на љубовна двојка, зар не?

Погледнете ги фотографиите и инспирирајте се од прекрасните идеи кои ги нуди:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело