Одлично уредена тераса од 3 метри квадратни: На гости кај Елеонора од Скопје (фото)

Детали

сабота, 15 август 2020

Свеќичките, сијаличките и зеленилото ја прават терасата на Елеонора прекрасно мало релаксирачко катче.

Елеонора Андонова  (27) години e дипломиран социјален работник, работи во Црвен крст на град Скопје во социјален сервис за стари лица, а претходно четири години била волонтер.

Нејзината тераса украсена со зеленило и сијалички е пример за одлично искористен простор од 3 метри квадратни.

Со неа проговоривме околу уредувањето на нејзиното омилено катче во домот:

„Од секогаш сум сакала да живеам во куќа со голем двор исполнет со шаренило од бои од цвеќиња, но сепак живеам во стан и затоа се решив да се направи истото односно да направам „herbs and flower garden“ на мојата мала тераса од 3 метри квадратни.

Се решив за промена на мојата тераса  во изминатите карантински денови, започнувајќи со мојата сестра од садење на семиња од билки, сукуленти и цветни растенија и од таму почна идејата за уредување на нашата тераса.

Семе по семе, расад по расад, саксија по саксија, секое засебно станувајки секое утро и радувајќи се на секое ново стебло и ливче што расцутило.

Како што кажале среќата не е нешто што е веќе направено, доаѓа од нашите сопствени дела и во малите нешта.

Продолжува на следната страна...