На гости кај Ангелина и Перо Митаноски: Новогодишна магија во семејна куќа во Дојран (фото)

За нас новогодишниот декор е своевиден ритуал.

Новогодишното уредување кај нас е посебна приказна. Штом дојде ноември нетрпеливо одбројуваме до првиот викенд од декември кога официјално започнува новогодишната атмосфера во нашиот дом.

Се кити и уредува цели два дена, а потоа по желба додаваме и менуваме украси и предмети. Мора да напоменам дека процесот не е едноставен, но уживаме во секој момент од него.

Празничната музика е задолжителна при украсувањето, а во текот на декември и до завршувањето на Божиќ, во нашиот дом има амбиентална музика, односно се слушаат најпознатите новогодишни класици и секако новогодишните концерти на Мајкл Бубле.

Сакаме пораката за љубов, радост, светлина и нова надеж кои ја носат овие празници да му ја пренесеме и на нашиот двегодишен син Алек кој заедно со нас ужива и се радува во украсениот простор, циметните и цитрусни мириси, топлиот чај, пијалаците со мачмалоу и ванила, вкусните путерни колачиња и сите светилки и сијалички кои трепкаат од новогодишната елка и останатите украси во домот.

Продолжува на следната страна...