На гости кај Драгана: Вистинска новогодишна бајка во стан во Гостивар (фото)

Детали

понеделник, 21 декември 2020

„Оваа година се одлучив за црвени детали. Тие ми даваат топлина, елеганција и празнична магија на целиот простор“, вели 30-годишната Драгана за својот бајковито украсен дом.

Кога зборуваме за магично украсени новогодишни домови, тогаш дефинитивно мислиме на домови како оној на Драгана Ѓорѓиевска (30) од Гостивар. Таа живее во стан со сопругот и двете дечиња каде периодов владее вистинска новогодишна магија.

Атмосферата изгледа нереално, едноставно празнична бајка.

За новогодишното украсување на нејзиниот дом Драгана открива за CRNOBELO.com:

„Во мојот дом новогодишната магија започна порано. Како да сакам што побрзо да ја испратам оваа 2020-та година.

Речиси сите уживаат во украсувањето на своите домови, но јас лично посветувам многу големо внимание на декорирањето на мојот дом.

Преферирам секоја година да е различно украсено.

Оваа година се одлучив за црвени детали. Тие ми даваат топлина и елеганција на целата празнична магија.

Бидете креативни и имагинативни. Не е неопходно да имаме голем буџет на располагање, бидејќи можете да си направите сами многу украси како мене.

Секако дека секоја година надополнувам и со по некој купен детаљ.

Сè е дозволено при декорирањето на домот. Само треба да имате одреден стил.

Продолжува на следната страна...