Кога имаш златни раце: Млад македонски уметник изработи бајковит мурал во детска соба (фото)

Детали

вторник, 25 мај 2021

Колку пати сте виделе убаво уреден простор на интернет и сте си помислиле дека сакате да имате токму таков ист во домот?

За едно семејство во Неготино и нивната мала принцеза оваа желба стана реалност благодарение на талентираниот македонски уметник, 31-годишниот Методија Јосифовски – Ромбо од истиот град.

Ова сестрано и талентирано момче потекнува од познато уметничко семејство кое е особено познато во Кавадарци. Неговите баба и дедо, татко, како и неговиот брат се сите етаблирани и познати во браншата.

Мето дипломирал на Факултетот за ликовни уметности во Скопје на студиската програма по вајарство, а завршил и Академија за графички дизајн. Несомнено, покрај вајарството и дизајнот, неговата силна страна е и сликарството, а бајковитиот мурал е само еден доказ за тоа.

За неговата изработка му биле потребни неколку денови, муралот се изработувал етапно, дел по дел, со помош на пастелни бои. Она што започнало сосема скромно, со „обичен“ цртеж со молив на ѕидот наскоро прераснало во живописна, шумска бајка.

Погледнете го процесот на изработка на бајковитиот мурал на Мето:

(О)Милена | Црнобело / Фото: Инстаграм