На гости кај Маја: Дворче со базен во Охрид создадено за уживање (фото)

Детали

сабота, 04 септември 2021

Спектакуларен поглед на Охридското Езеро, базен, лулашки, перничиња и најубавото зајдисонце, зарем е потребно нешто повеќе? На гости во „малото парче рај“ на Маја Гугоска (37) од Охрид.

Маја Гугоска (37) од Охрид е сопруга и мајка на две деца која сака секој слободен миг да го мине во забава и релаксација со семејството.

Токму затоа за време на пандемијата тие за себе си креирале мало парче рај.

Станува збор за дворчето од нивната стара викендица, или како што вели Маја нема ниту викендица, туку станува збор само за старо куќарче, кое има поглед на Охридското Езеро.

За уредувањето на ова мало парче рај, Маја споделува за CRNOBELO.com:

„На 2 километри од Охрид во местото викано Горица, се наоѓа нашиот мал рај... Блиску до градот, а многу далеку од секојдневната турканица и врева.

Нема викендичка, постои мало лозарско куќарче кое сè уште не сме го оспособиле за преноќување.

Го викаме „в лозје” иако лозјето таму веќе не постои. Во некои чудни околности, со повеќе слободно време кога почна целата паника со ковид, буквално се изолиравме таму.

Секој ден после работа, секое слободно време и викенд ги поминувавме, па и сè уште ги поминуваме таму.

Засадивме трева и разни овошки, мислам дека ги насадив сите можни сезонски цвеќиња и дрвца.

Базенот, иако монтажен, испадна дека е полн погодок. Целиот проект е замисла на мојот свекор, кој е одличен мајстор и се погрижи за соѕидувањето и платформата околу него.

Продолжува на следната страна...