На гости кај Елена: Раскошен дуплекс од 130m2 во Тетово со темни тонови и луксузни детали (фото)

Детали

сабота, 21 јануари 2023

„Во станот преовладуваат темните тонови со акцент на сребрената боја, која асоцира на раскош и луксуз. Омилен детаљ во домот ми е сликата со крилја. Сјајните сребрени крилја на црна позадина зрачат со кул естетски шарм“, споделува Елена Деспотоска (24) од Тетово за CRNOBELO.com за уредувањето на својот дом.

Елена Деспотоска (24) од Тетово, по професија внатрешен дизајнер, веќе 6 години успешно раководи со своја фирма за внатрешно уредување и изработка на мебел.

Таа околу година и половина живее во стан дуплекс во Тетово со момчето и нивниот миленик.

Во нејзиниот луксузно опремен дом преовладуваат темните домови.

За уредувањето на нејзиниот дом открива за CRNOBELO.com:

„Мојот дом се наоѓа во Тетово, станува збор за дуплекс од 130m2.

Во него преовладуваат темните тонови со акцент на сребрената боја, која асоцира на раскош и луксуз.

Често сакам да експериментирам, па така постојано ги менувам деталите.

На самата комода во дневната соба е поставен камин, кој прави тој дел да ми е еден од омилените делови за релаксација во домот.

Во домот недостигаат уште детали, за кои сега сум во потрага.

Продолжува на следната страна...