На гости кај Рената: Дом со милјеа, класичен мебел, мирис на минатото и прекрасен поглед кон Водно (фото)

Трпезаријата сè уште е на листата да биде обновена, но не се појавила музата која ќе ја забрза работата.

Мебелот во дневната соба е исто така изработен по мерка. Тргнавме од тоа дека ни беше потребен многу простор за складирање, бидејќи четиричлено семејство кое низ годините постојано ги надградува своите желби бара многу простор.

Ние сме љубители на убава покуќнина, имаме голем број на комплети исти чинии за 100 луѓе заради нашите слави и веселби по дома, кои со многу љубов ги подготвувавме. Но, тешко е да најдете кај да ги сместите.

Ги обожавам и комодите од орев масивно дрво изработени по мерка и витрини кои се мобилни и стојат врз нив, а сепак може да бидат преместени каде сакате. Тоа беше моја желба за да можам да менувам некогаш доколку посакам.

И така и беше, но верувајте не беше лесна мисија да се разбереме каква да биде линијата, финитурите, немав модел кој го следам, а не сум по вокација архитект за да доловам што сакам, а оревот скап, па потоа изборот на рачки, стакло и што уште не.

Останатите соби и мебел се спој на квалитет и функционалност. Во спалната соба имаме мултифункционална клупа пред креветот.

И кога децата беа уште мали се наложи потребата да ја застаклиме терасата која е прекрасна, голема и гледа кон Водно, но додека беше отворена беше најмалку користеното место во домот.

Беше тешко да се одржува чиста од постојаното дување ветер со многу прашина, а и печеше сонце безмилосно, бидејќи сме јужна страна.

Но, сега претставува омилено катче, мултифункционално каде се сместени два миндери, две големи маси кои може да се трансформираат за различни потреби, една мала помошна библиотека и моите цвеќиња.

Тоа е моето катче за уживање, секогаш кога сум дома задолжително го гледам зајдисонцето, секогаш е различно и поубаво од претходното.

Продолжува на следната страница...