10 едноставни трикови со кои ќе внесете елеганција и топлина во домот

Природни тонови, земјени бои, микс од стилови, украсни свеќи... Што друго ви е потребно за да го направите домот топло и елегантно место за живеење?

Дали сакате да живеете во дом кој дише со топлина и елеганција, а притоа да не потрошите многу пари?

Експертите велат дека треба да смените само неколку ситници во просторот во кој живеете и да го направите во пријатно катче во кое ќе се чувствувате убаво и вие, но и сите што ќе ви дојдат на гости.

Како најлесно да внесете елеганција и топлина во домот? Овие 10 совети сигурно ќе ви помогнат во тоа:

Земјени тонови

Првиот чекор за да внесете елеганција во домот е да користите земјени тонови за мебелот и украсите.

Овие бои се топли, смирени и даваат пријатно чувство.

А палетата е огромна - кафеава, нијанси на беж, зелена, дури и портокалова.

Секако, не треба да го преуредите целиот простор, туку да додадете или исфрлите неколку детали и да добиете нов изглед на собите.

„Топли“ бои на светилките

Кога ќе влезете во салон за мебел или во болница, сè околу вас е бело, светло и студено.

Токму затоа вакво не треба да е осветлувањето во вашиот дом.

Наместо бели светилки, изберете светилки или ламби во жолта или портокалова нијанса, кои ќе внесат топлина во просторијата.

Освен со лустери, просторот осветлете го и со ламби или украсни свеќи - уште нешто што ќе внесе топлина.

Природни тонови на дрвениот мебел

Кога купувате мебел, изберете парчиња кои ќе имаат природни дрвени тонови, односно нијанси на кафеаво.

Избегнувајте црни и бели парчиња мебел, особено во спалната соба, бидејќи се „студени“.

Микс од неколку стилови и текстури

За да делува побогато просторот во кој живеете и го поминувате поголемиот дел од денот, спојте неколку различни стилови и текстури.

На пример, на софата или фотелјата ставете меко ќебе и неколку перничиња.

Доколку ви се допаѓа, вметнете и некое винтиџ парче кое ќе го разигра целиот простор.

Не се ограничувајте на една или две бои, туку ставете неколку шарени детали кои ќе паѓаат во очи кога некој ќе влезе во простортијата.

Инвестирајте во украсни свеќи

Освен што ќе му дадат пријатна мирисна нота на домот, украсните свеќи ќе му дадат топлина и доза на елеганција.

Распоредете ги свеќите на места кои „паѓаат во очи“, а користете ги и за да доловите романтична атмосфера.

Само, не заборавајте да ги изгаснете пред да си легнете.

Продолжува на следната страница...