6 уникатни идеи за велигденско украсување на домот (фото)

Стаклена тегла наместо вазна за свежо цвеќе, украс од гранчиња – неколку креативни идеи за Велигден.

Велигден е еден од најголемите и најважните христијански празници.

Иако не украсуваме како за Божиќ, сепак и велигденските декорации стануваат сè попопуларни.

А, ако ви фали инспирација за годинава, сигурно ќе ви се допадне нешто од нашите предлози:

Наместо вазни, можете да ставите свежо цвеќе во најобични стаклени тегли што веќе ги имате дома.

Во теглите можете да ставите и велигденски јајца.

За декорација во дворот или на терасата, можете да искористите гумени чизми, ако имате пар кој не го носите.

Во чизмите ставете висока вазна со омиленото цвеќе и ќе добиете уникатна декорација.

Во стаклен сад можете да ставите куп чоколадни или пластични велигденски јајца. Можете да ставите и декоративни камчиња или цветови. Ова е идеална декорација за на маса.

Низ домот можете да распоредите и помали стаклени садови полни со чоколадни велигденски јајца.

Можете да украсите и со минијатурни животни, како пилиња и зајаци кои асоцираат на Велигден. Наредете ги малите фигури покрај некоја поголема декорација.

Можете да искористите и гранчиња на кои ќе закачите чоколадни јајца, цветови и слично, како лампиони.

Спирова С. | Црнобело