Јапонски трикови за уредување минијатурен (еднособен) стан

Оставете и празен простор

Немојте да го трупате секој агол од станот со украс или што било.

За домот да не изгледа натрупано и хаотично важно е да има и простор кој ќе „дише“.

Внесете многу светло

Ако имате големи прозорци, тогаш максимално искористете ја природната светлина и не ги затворајте со тешки завеси.

Ако недостасува природно светло, тогаш ставете повеќе извори на светлина.

Светлината ќе направи просторот да изгледа пошироко, но и многу поудобно.

Држете се до посветли бои

Колку и да сакате потемни нијанси, кога имате минијатурен простор, важно е да им дадете предност на светлите нијанси.

Во ред е да акцентирате со нешто потемно, на пример кревет во темнозелена боја. Но, на ѕидовите и поголемите парчиња мебел нека доминираат светли бои.

За разлика од нив, темните нијанси можат да го „затворат“ просторот, па станот да изгледа уште помало.

Спирова С. | Црнобело