Нека не фаќаат прашина: Како да ги искористите старите гоблени?

Да признаеме, колкумина од нас сѐ уште имаат гоблени дома? Веројатно не постои дом кој не е засолниште на старите добри гоблени и уште поверојатно е дека фаќаат прашина во некоја кутија, подрум или затскриено ќоше, каде што никој не ѕирка.

Време е да ги извадиме гоблените од заборав, да им ја избришеме правта и да им дадеме нов живот, „реинкарнирајќи“ ги во огледала.

Едноставно е, извадете ја внатрешноста од гобленот и искористете ја рамката за да направите шик парче мебел, кое одлично ќе се вклопи во вашиот дом.

Едноставно освежете ја рамката, пребојувајќи ја во бело, пастелно розова или нежна тиркизна боја, смело црвена или црна боја и ставете огледало на местото на гобленот.

Погледнете како сопствениците на овие стари гоблени ја реализирале идејата.

Изгледаат прекрасно, зарем не?

(О)Милена | Црнобело