Одбрана бојата која ќе биде хит во сечиј дом во 2017-та

До Новата година нè делат уште нецели два месеци, но одредени луѓе се премногу нетрпеливи, како на пример, вработените во американската компанија „Benjamin Moore“, кои веќе го прогласија фаворитот од палетата на бои за 2017-та година.

Нијансата со ознака „2117-30“ е победникот, опишана како „притаен и енигматичен господар на амбиентот“.

Раскошната виолетово-пурпурна нијанса која во основата потсетува на модар домат, е јасна спротивност на минатогодишниот фаворит - бела.

Оваа темна боја го освојува просторот и носи одредена доза мистерија со себе.

Сите кои се во потрага по малку драма и имаат доза на рокенрол дух во себе, со задоволство ќе ја одберат темно виолетовата нијанса.

(О)Милена | Црнобело