Работи од домот со кои е време да се збогувате

Спортска опрема

Во речиси секое домаќинство постои барем една справа која зафаќа место и не служи за ништо, освен како закачалка.

Доколку имате таква, подарете ја некому кому е потребна, продадете ја или на било кој начин ослободете се од неа.

Подобро е да практикувате активности во природа и да не се залажувате со непотребни справи во домот.

Кујнски уреди кои не ви требаат

Ако сте од оние кои го купуваат секој кујнски уред и апарат кој ќе им биде понуден, свесни сте дека пола од нив не ви се потребни.

Или пак, ако имате од „времето“ десетици апарати, проверете ги дали сите работат и направете селекција на она што ви е потребно, така што ќе ви останат само оние кои редовно ги употребувате.

Непотребни кабли и електронски работи

Старо DVD кое не е во функција, километарски кабли кои нема за што да ги искористите или други слични електронски додатоци кои веќе одамна се надвор од употреба – време е да ги фрлите.

Вештачки цвеќиња

Немојте да паѓате на маркетиншки трикови и да го полните домот со вештачки цвеќиња кои фаќаат прашина, кога можете да внесете природна свежина во домот со природни кои постојано ќе ги менувате.

М. М. | Црнобело