Кај Моника дома: „Огледалото во тоалетот ми е погодок, но црниот кујнски мијалник ми е промашување“ (фото)

„Погодок ми е креветот во спалната соба што го купивме со механизам и има простор за складирање, кој собира многу работи, а голема грешка ни е тоа што во дневната соба не ги скривме каблите зад телевизорот“, вели 28-годишната Моника за својот стан во Карпош.

kaj-monika-vo-karposh-ogledaloto-vo-toaletot-mi-e-pogodok-no-crniot-kujnski-mijalnik-mi-e-promashuvanje-foto-01.jpg

Моника (28), сопруга на Славчо и мајка на Стела, е вечен вљубеник на внатрешното уредување. Со семејството живее во стан во Карпош, во кој се преселиле пред точно три години.

Идејата за уредувањето им била домот пред сè да е естетски функционален и лесен за одржување.

kaj-monika-vo-karposh-ogledaloto-vo-toaletot-mi-e-pogodok-no-crniot-kujnski-mijalnik-mi-e-promashuvanje-foto-22.JPG

Моника за CRNOBELO.com споделува кои се најпрактичните и најфункционални работи кои ги направила при уредувањето на домот, а кои најнепрактичните:

„Кујната е со минималистички и едноставен дизајн. Во форма на буквата „Г“, и со елементи од под до плафон – полн погодок бидејќи има доволно простор за складирање и е лесна за чистење.

kaj-monika-vo-karposh-ogledaloto-vo-toaletot-mi-e-pogodok-no-crniot-kujnski-mijalnik-mi-e-promashuvanje-foto-15.jpg

Сите столбови и вертикални инсталации вешто успеавме да ги камуфлираме со функционален дел од мебелот, конкретно во кујната – со затворени плитки скриени полици.

kaj-monika-vo-karposh-ogledaloto-vo-toaletot-mi-e-pogodok-no-crniot-kujnski-mijalnik-mi-e-promashuvanje-foto-14.jpg

Најголема грешка ни е тоа што долните елементи не се фиоки туку обични шкафчиња. Сметам дека прегледноста во фиоки е многу пофункционална, но и вака се снаоѓаме секогаш да е уредно.

kaj-monika-vo-karposh-ogledaloto-vo-toaletot-mi-e-pogodok-no-crniot-kujnski-mijalnik-mi-e-promashuvanje-foto-11.jpg

kaj-monika-vo-karposh-ogledaloto-vo-toaletot-mi-e-pogodok-no-crniot-kujnski-mijalnik-mi-e-promashuvanje-foto-10.jpg

Нешто кое по естетика, дизајн и функционалност ни е одлично замислено се вратичките и фиоки без рачки. Кујната е изработена од светол мат медијапан и е навистина лесна за чистење и одржување.

Нешто што особено го погодивме е позадината од пескарено стакло бидејќи се чисти буквално за 5 минути, а скриената лед-лента е најпрактично решение за готвење и секогаш изгледа минималистички и фино во просторот.

kaj-monika-vo-karposh-ogledaloto-vo-toaletot-mi-e-pogodok-no-crniot-kujnski-mijalnik-mi-e-promashuvanje-foto-13.jpg

Најголема грешка е што купивме црн мијалник и батерија, бидејќи иако изгледаат модерно, многу тешко се справуваме со одржување поради бигорливата вода и остануваат бели дамки.

kaj-monika-vo-karposh-ogledaloto-vo-toaletot-mi-e-pogodok-no-crniot-kujnski-mijalnik-mi-e-promashuvanje-foto-12.jpg

Продолжува на следната страна...



Би можело да ве интересира:

Кај Анета дома: „Големата гарнитурата ми е погодок, а малиот број на фиоки во кујната ми е промашува... „Ја обожавам белата лулашка во дневната соба. Преудобна е, издржл...
На гости кај Драгана: Есенска бајка во стан во Гостивар со тикви и цвеќе (фото) „Многумина ќе речат во есен има магливи утра, дождови и ветер, но јас ја са...
Мебел од ратан – летен хит кој ќе донесе свежина во домот (фото) Мебелот од ратан е хит за оваа пролетна и летна сезона и вреди да му дадете шанс...

Најчитани неделава

sonovnik-sidebar.jpg