7 работи на кои луѓето штедат кога реновираат, но подоцна се каат

Ако сте во фаза на реновирање или пак ви е во план, најдобро е да ги прашате оние кои веќе го поминале „трнливиот пат.“

Грешките може дополнително да ви го исцрпат буџетот, па добро е да ги знаете за да ги спречите.

1. Не штедете на квалитетни керамички плочки

Која било друга површина или материјал кој можеби сега ви се чини поевтина варијанта, ќе ви направи проблем со мувла и влага.

2. Не бирајте пластични лајсни

Лесно се оштетуваат на топлина, лесно се виткаат и одлепуваат, па рокот на издржливост им е премал.

3. Инсталација на ист тип на штекери

Лоша идеја е секаде да ставите исти штекери. Наместо тоа, приспособете ги според потребите и размислувајте практично кога ги поставувате - каде точно ви се потребни и дали единечен, двоен или со повеќе штекери.

4. Недостаток на простор за каблите

За да не висат кабли, откако ќе ги направите сите работи, добро е да смислите каде и како може да ги скриете пред да почнете со реновирање.

5. Внатрешни врати со стакло

Освен недостатокот на приватност, имаат и мала звучна изолација.

6. Недостаток на штекери во бањата

Имајте на ум дека во тоалетот ќе ви требаат повеќе штекери и тоа со заштита, односно водоотпорни - за машина за перење, за машина за сушење (сега или во иднина), за фен и пегла за коса и сл.

7. Сјајни кваки

Сјајот на кваките многу бргу се вади, поради нивната честа употреба. Па, ако не сакате да изгледаат старо и излитено за неколку недели, одберете матирани модели.

М. Д. | Црнобело