Колку килограми треба да ослабете за да забележите промена?

Ако се обидувате да ослабете или се трудите да бидете поздрави, веројатно сте свесни дека освен ендорфините кои се ослободуваат при вежбање, љубовта кон нови, свежи јадења и позитивните вибрации кои произлегуваат од добрата грижа за себеси, постои и еден многу плиток, но задоволувачки бенефит – комплиментот „Изгледаш згодно.“

Неодамна, истражувачи на универзитетот во Торонто се запрашале прашање кое многу од нас немаат сила да го прашаат: „Колку килограми треба да се изгубат за да се познае промена?“

Иако изгледате прекрасно, не се сомневаме дека и вам ве интересира одговорот на ова прашање.

Научниците започнале со фотографии од лица на мажи и жени на возраст од 20 до 40 години и дигитално ги измениле така што им додале неколку килограми. Потоа, учесниците во истражувањето требало да извлечат по 2 портрети и да кажат кое лице им изгледа потешко. Па така, експертите дошле до заклучок дека кога вашиот BMI ќе падне за 1,3 т.е. 1,3 килограми на метар квадратен - тогаш вашето лице изгледа послабо.

Следно, истражувачите мереле која промена на диспозициите на лицето предизвикуваат промена во атрактивноста. Според тоа, женското BMI треба да се промени за 2,4, а машкото за 2,6 за да бидете доживувани како поатрактивни.

Да ги поедноставиме работите - за жената да изгледа фит, треба да ослабе 6,3 килограми, а мажите 8,5.

Според, главниот истражувач, Николас Рул: „Жените и мажите со просечна висина морат да се здебелат или ослабат околу 4 килограми ако сакаат да изгледаат послабо во лицето, но мора да изгубат двојно повеќе за да изгледаат поатрактивно.“

Позитивните страни? Прво, мажите за да изгледаат позгодно треба да изгубат повеќе килограми отколку жените. Второ, не мора да дојдете до совршената килажа за да забележите промена. Трето, можете да се здебелите до 5 килограми и пак да изгледате згодно.

С. С. | Црнобело