Тешкотии со слабеење и уште 4 знаци дека треба да јадете повеќе (здрави) масти

Мастите во храната често имаат лоша репутација. И покрај она што можеби сте го слушнале, јадењето масти не ве дебелее - сè додека ги јадете умерено. Всушност, мастите се суштински дел од урамнотежена исхрана. Па, кои се знаците дека на вашето тело му недостасуваат масти?

На вашето тело му требаат масти во исхраната за многу различни биолошки процеси. Недостатокот од масти може да доведе до здравствени проблеми.

Мастите се еден од изворите на енергија за телото. Ни обезбедуваат извор на калории, кои се потребни за физичка активност и основни метаболички функции.

Кога внесуваме масти, нашите тела ги разградуваат во масни киселини, кои се користат како гориво за нашите мускули и органи.

Неколку знаци дека можеби ви требаат повеќе масти во исхраната:

Сува кожа

Ако вашата кожа е сува и ве чеша, тогаш почнете да внесувате здрави масти, кои помагаат да ја одржите кожата хидрирана и еластична.

Постојано сте гладни

Ако постојано сте гладни, дури и по јадење, тогаш можеби не консумирате доволно масти.

Мастите повеќе заситуваат од јаглехидратите или протеините и можат да ви помогнат да го намалите апетитот.

Тешкотии со слабеење

Ако имате тешкотии со слабеењето и покрај тоа што јадете нискокалорична диета, тоа може да биде затоа што не внесувате доволно масти.

Јадењето умерено количество здрави масти всушност може да ви помогне да ослабите со намалување на апетитот и забрзување на метаболизмот.

Лоша функција на мозокот

Вашиот мозок се состои од околу 60% масти, па затоа е важно да консумирате доволно здрави масти за поддршка на неговата функција.

Ако имате проблеми со концентрацијата или меморијата, тоа може да биде знак дека ви требаат повеќе масти.

Болки во зглобовите

Здравите масти имаат антивоспалителни својства кои можат да помогнат во намалувањето на болките и вкочанетоста во зглобовите.

Ако чувствувате болки во зглобовите, тоа може да биде знак дека не внесувате доволно од овие здрави масти во вашата исхрана.

Храна полна со здрави масти

• Авокадо
• Путер
• Кокосово масло
• Маслиново масло
• Јаткасти плодови и семиња
• Јајца
• Говедско месо
• Риба (лосос, скуша)
• Црно чоколадо

M. Г. | Црнобело / pixabay.com