Како брзо да се ослободите од мирисот на лук по јадење?
Покрај џвакањето свеж магдонос, и јаболкото може да ви помогне да се ослободите од непријатниот мирис на лук.
Ако сте како повеќето, веројатно уживате во вкусот на лукот, но сигурно и избегнувате да го јадете ако треба да излезете од дома.
Лукот предизвикува навистина непријатен мирис на здивот, кој не се отстранува ни со миење на забите. Но, постојат некои трикови што ќе ви помогнат да се ослободите од лошиот здив.
Доктор Меган Роси е нутриционист и експерт за здравјето на дигестивниот систем.
Нејзината докторска дисертација за здравјето на дигестивниот систем има освоено и престижна награда.
Меган има Инстаграм профил со 439.000 следбеници каде што често споделува совети од нејзина област.
Неодамна таа сподели и неколку трикови за ослободување од мирисот на лук.
Во објавата, Меган појаснува и зошто е толку тешко да се ослободиме од овој мирис.
Според Меган, дел од состојките на лукот се апсорбираат во крвотокот и одат до белите дробови. Па, токму поради ова, мирисот на лук може да трае и подолго од еден ден.
„Па, што е решението? Кога јадете храна со лук, изедете и јаболко со оброкот.
Хемикалиите во јаболкото докажано влијаат врз сулфурот во лукот, па го отстрануваат тој мирис“, пишува во нејзината објава.
Меган истакнува и зошто е важно да јадеме лук:
„Главната активна состојка во лукот е алицин, која го поддржува имунитетот и се бори против вирусите.
Истражување од 2001 година покажа дека секојдневното земање суплементи со лук го намалува ризикот од настинки и го забрзува закрепнувањето од истите.
Оставете го исечканиот лук да отстои 10 минути пред да го јадете/зготвите – со ова се создава повеќе активен алицин“.
Според Medical News Today, постојат три состојки во лукот што предизвикуваат не само непријатен здив, туку и непријатен мирис на самото тело:
Алицин – состојка што се претвора во други состојки кои содржат сулфур, а токму тие му го даваат силниот мирис на лукот.
Алил метил сулфид – состојка што се ослободува и од лукот и од кромидот кога се сечат. Оваа состојка се апсорбира во крвотокот, а потоа „испарува“ преку белите дробови и порите на кожата.
Цистеин сулфоксид – ова е состојка која содржи сулфур и се наоѓа во лукот и кромидот, а предизвикува непријатен мирис на здивот речиси веднаш откако ќе ги изедете.
На следната страница, што друго ќе ви помогне да се ослободите од мирисот на лук...
Би можело да ве интересира:
Препорачуваме
Најчитани неделава
