Путер, јајца, млеко – дали и колку време е безбедно да ги чувате овие намирници надвор од фрижидерот?

Што се однесува до јајцата, мора да бидете повеќе претпазливи, затоа што тие се особено подложни на една бактерија - салмонела. Се смета дека јајцата можете да ги чувате надвор од фрижидер околу два часа на собна температура или еден час ако температурата е 30 или повеќе степени.

Несоодветното чување на храната со себе носи многу опасности. Претежно, храната која треба да се чува во фрижидер, не може да стои долго време на повисока собна температура, бидејќи тогаш претставува голема закана за здравјето, затоа што преку неа може да се пренесат различни бактерии.

За тоа дали и колку време може одредени најчесто користени намирници да стојат надвор од фрижидерот, погледнете во продолжение.

Путер

Многумина путерот го чуваат на собна температура од причина што е подобар за мачкање, а ако се прашувавте дали е безбедно да го чувате надвор од фрижидер, тогаш одговорот е да.

Една од причините што путерот не се расипува толку бргу како другите млечни производи оставени на собна температура, е затоа што има малку јаглехидрати и протеини, кои пак им се „омилени“ на мувлата и бактериите.

Сепак, иако е безбеден за консумирање, ако го чувате надвор од фрижидер, тоа може да има влијание на неговиот вкус. Затоа, можеби подобра опција е да го исечете путерот на мали парчиња и да го оставите да стои на собна температура.

Јајца

Што се однесува до јајцата, мора да бидете повеќе претпазливи, затоа што тие се особено подложни на една бактерија - салмонела.

Истовремено, многу е важно и низ каков процес на преработка поминале јајцата. Во европските држави, јајцата можете да ги чувате надвор од фрижидер додека да им помине рокот на траење, односно до две недели во просек. Сепак, препорачливо е да ги чувате во фрижидер за да ви траат подолго.

Интересно е што јајцата кои се продаваат во САД, минуваат низ друг процес на преработка со кој им се отстранува природниот заштитен слој од бактерии, па тамошните јајца не е препорачливо да се чуваат на собна температура повеќе од два часа.

Исто така имајте предвид дека треба да ги фрлите сите испукани и да ги миете рацете и приборот што доаѓа во контакт со сировите јајца.

Млеко

Генерално, млекото надвор од фрижидер не треба да стои подолго од два часа. Млечните производи е особено опасно да се остават на повисоки температури, бидејќи одредени штетни бактерии најмногу „ги сакаат“ овие производи.

Некои од главните виновници се ешерихија коли, салмонела, листерија… Сите овие бактерии може да доведат до екстремни симптоми на труење со храна кои може да бидат многу сериозни, а во некои случаи да бараат и болничко лекување.

Секако, на ова правило влијаат и други фактори. Треба да се има предвид млекото е отворено или не. Откако ќе го отворите, се прикрадуваат повеќе бактерии, а со тоа што ќе го одржувате млекото ладно ќе се осигурате дека тие опасни бактерии нема да имаат можност да се размножат во толкави количини што ќе се разболите.

Исто така, добро би било да избегнувате да го чувате млекото на вратата од фрижидерот, бидејќи тоа е најтоплата област, па може да направи тоа побрзо да се расипе.

М. Ѓ | Црнобело / фото: freepik.com