Маслиново масло или маслинки - што е поздраво и кои се придобивките?

Треба да се спомене дека и маслиновото масло и маслинките содржат антиоксиданти и состојки кои се добри за човековото здравје. Но, сепак, не се сосема исти. Што се однесува до нутритивните вредности, маслиновото масло има повеќе калории за разлика од маслинките.

Најверојатно имате слушнато за здравствените придобивки од маслиновото масло.

Тоа е клучен дел од медитеранската исхрана, за која е докажано дека спречува проблеми со здравјето, како срцеви заболувања.

Покрај тоа, ако сте љубители на маслинки, можеби некогаш сте се запрашале дали тие се исто толку хранливи и корисни за вашето здравје.

Па, во продолжение погледнете ги нутритивните вредности и придобивките од овие продукти:

Здравствените придобивки од маслиново масло

Маслиновото масло е богато со состојки кои имаат антиоксидантно и антиинфламаторно дејство.

Постојат три главни вида на маслиново масло: рафинирано, девствено масло и екстра-девствено маслиново масло.

Екстра девственото маслиново масло е најмалку обработено и има најголема количина на мононезаситени масти, па тоа значи дека е и најдобрата опција за вашето здравје.

Консумирањето маслиново масло ќе ви ги даде следниве придобивки:

• Го намалува ризикот од срцеви заболувања
• Го намалува лошиот холестерол
• Го намалува крвниот притисок
• Го намалува ризикот од дијабетес
• Ја штити функцијата на мозокот
• Ја намалува болката во зглобовите

Дали маслинките се исто толку добри како и маслиновото масло?

Повеќе истражувања се направени за маслиновото масло, отколку за маслинките. Досегашните наоди покажуваат дека маслинките може да помогнат во заштитата на телото од воспаленија и од срцеви заболувања, но сепак, потребни се повеќе докази за тоа.

Треба да се спомене дека и маслиновото масло и маслинките содржат антиоксиданти и состојки кои се добри за човековото здравје.

Но, сепак, не се сосема исти. Што се однесува до нутритивните вредности, маслиновото масло има повеќе калории за разлика од маслинките.

Докажано е дека маслиновото масло го поддржува здравјето на срцето, мозокот, зглобовите и метаболизмот. Маслинките може да имаат слични ефекти, но за нив има помалку истражувања.

Она што треба да се има предвид е тоа дека маслинките содржат повеќе сол, што е важно да внимавате ако имате висок крвен притисок.

Како и да е, умереното уживање во нив сепак може да биде хранлив и вкусен додаток на вашата исхрана.

М. Ѓ. | Црнобело / фото: freepik.com