Која е разликата помеѓу „здрави“ и „нездрави“ масти (и која храна ги содржи)?

Додека таканаречените здрави масти можат да го намалат холестеролот, нездравите масти го имаат спротивниот ефект. А, не треба да претерувате ни со едните, ни со другите.

Ако внимавате на исхраната, сигурно сте слушнале изрази како „здрави масти“, „лоши масти“, „трансмасти“ и слично.

И, можеби сте збунети за нивното значење, особено кога ќе слушнете дека мастите можат да бидат лоши, но сепак се неопходни за нормално функционирање на организмот.

Во продолжение погледнете која е функцијата на мастите, но и која е разликата помеѓу „добрите“ и „лошите“ масти:

Зошто на телото му се потребни масти?

Мастите се важни за правилна функција на организмот.

Но, ако внесувате повеќе отколку што му се потребни на телото, тие почнуват да се таложат во форма на сало, односно масни наслаги.

И масните наслаги му се потребни на телото, но кога ги има премногу, стануваат причина за бројни проблеми, како болести на срцето и дебелина.

Постојат неколку причини зошто треба да внесуваме масти:

• Мастите му помагаат на организмот да ја одржува температурата
• Мастите ни даваат енергија
• Мастите имаат удел во лачењето одредени хормони
• Мастите помагаат во апсорпција на витамините А, Д и Е

Какви видови масти постојат?

Мастите можат да се поделат во четири главни категории:

• Мононезаситени масти
• Полинезаситени масти
• Заситени масти
• Трансмасти

Кои се здрави масти?

За здрви масти се сметаат мононезаситените масти и полинезаситените масти.

Овие два вида масти, покрај придобивките што ги спомнавме погоре, помагаат во одржувањето на здравото ниво на холестерол во крвта.

Полинезаситените масти, пак, го снабдуваат телото со омега-3 и омега-6 масни киселини кои нашиот организам не може да ги направи сами.

Храна богата со мононезаситени масти:

• путер од кикиритки
• бадеми
• индиски ореви
• лешници
• кикиритки
• маслиново масло
• маслинки
• авокадо

Храна богата со полинезаситени масти:

• риба како лосос
• сончогледово масло
• некои јаткасти плодови како ореви и семки од сончоглед

На следната страница погледнете кои се нездрави масти...