Грешки поради кои храната ви се расипува брзо (и ризикувате да добиете труење)

Го чувате месото на најгорната полица во фрижидерот

Живото месо има бактерии, па ако го чувате на најгорната полица во фрижидерот и месото претече, сите бактерии ќе завршат на намирниците подолу.

Живото место е најдобро да го чувате во добро затворена амбалажа, на најдолната полица.

Го отстранувате мувлосаниот дел и го чувате остатокот од храната

Кога станува збор за тврда храна, како тврд кашкавал, во ред е да го пресечете мувлосаниот дел и да го искористите остатокот.

Истото важи и за потврди овошја и зеленчуци – на пример, ако има мувла на само еден портокал, фрлете го тој и другите би требало да се добри за јадење ако немаат знаци на мувла.

Но, кај продукти како леб, јогурт, мармалад, меки сирења и слично, не ризикувајте и фрлете ги ако забележите мувла.

Во помеката храна, мувлата може да е проширена насекаде, без разлика што ја гледате на само еден дел.

Па, ако не ги фрлите, може да се расипат и други намирници во фрижидерот, но и да добиете труење ако ги изедете.

Не обрнувате внимание на температурата во фрижидерот

Препорачано е температурата на фрижидерот да биде 3 степени Целзиусови, додека на замрзнувачот -18 степени Целзиусови.

Со ова храната внатре ќе трае подолго.

Замрзнувате храна која веќе е одмрзната

Штом некоја храна стоела надвор од замрзнувач повеќе од еден час, подобро фрлете ја, особено ако е месо, морска храна или зготвено јадење. Еден час е сосема доволно да почнат да се развиваат бактерии.

Кога одмрзнувате храна, секогаш е побезбедно да ја ставите во фрижидерот каде температурата е доволно висока да за одмрзне, но и доволно ниска за да го спречи ширењето на бактерии.

Не ја одвојувате живата од готвената храна

Никогаш не треба да мешате жива и готвена храна, особено месо.

Веќе спомнавме дека на живата храна, како месо, има бактерии кои можат да ја контаминираат готвената храна.

Спирова С. | Црнобело