Диетални намирници кои дебелеат

Храната со ознака „ниско ниво на масти”, не значи дека е добра и дека ќе ви помогне да ослабете. Дури 10% од ниско масните намирници содржат еднаков број на калории како и нивните високо масни двојници.

Кога производителите ги отстрануваат мастите, додаваат шеќер, сол и адитиви за храната да биде вкусна.

Во продавниците за здрава храна не е сѐ здраво и диетално:

1. Ароматизирана вода

Со разни вкусови и додатни витамини, оваа вода не ви оди во прилог доколку држите диета. Ароматизираната вода е преполна со шеќери.

2. Овошен шејк

Кога го подготвувате дома секако дека е поздраво од купеното, но внимавајте што ставате во него. Ако не штедите на банана, кикирики, млеко, бадеми, тогаш консумирате пијалак кој има повеќе од 650 калории, што му доаѓа исто како еден хамбургер.

3. Разни бисквити и мафини

Се рекламираат како здрава ужина, погодна и за деца. Меѓутоа, 30% од еден таков бисквит е составен од рафиниран шеќер, а и огромно количество на масти. Подобро изедете чоколадна крофна.

4. Сладолед на база на јогурт

Во последно време голема популарност стекнаа овие сладоледи. Кога станува збор за мастите, јогуртот ја добива битката во однос на класичниот сладолед. Меѓутоа, ако зборуваме за шеќерот и калориите, помеѓу класичниот сладолед и замрзнатиот јогурт нема никаква разлика.

Дополнителен совет:

Внимавајте да не ги мешате слатките кои се рекламираат со 0 масти, во споредба со диетална храна. Тоа што нема масти не значи дека оброкот не содржи многу шеќер и калории. Понекогаш е попаметно да појадувате во пекара отколку од продавницата за здрава храна.