Како да ги отстраните непријатните мириси од пластичните садови?

Повеќето луѓе секојдневно користат пластични садови за да го складираат остатокот храна во фрижидерот, да однесат јадење на работа и слично.

Но, нивното чистење и не е наједноставно. Се задржуваат непријатни мириси и маснотии кои, сепак може да се отстранат на неколку начини:

1.Измијте ги најбрзо што можете по користењето – Најдобро е да ги измиете со сјај и топла вода, додека маснотијата од храната не се задржала во внатрешноста.

2. Измијте ги со оцет – Откако ќе ги измиете со сјај и топла вода, сипете оцет и оставете го да отстои барем 3 минути. Измијте го повторно и оставете да се исуши.

3. Сипете малку сол во нив – Ако ги оставате за да ги измиете подоцна, потурете малку сол која ќе ги разгради маснотиите и мирисите додека да дојде времето за миење да не се закорават.

4. Наполнете ги со весници – Старите весници ставете ги во пластичните садови кои еднаш ќе ги измиете. Но, мора повторно да ги измиете пред следната употреба.

5. Употребете сода бикарбона – Содата е одлично средство за чистење и отстранување на непријатните мириси. Помешајте ја со малку вода за да направите густа паста со која ќе ги истриете убаво пластичните садови. Оставете ја да отстои барем еден ден, а потоа темелно измијте ги. Повторете ја постапката додека целосно не исчезнат мирисите.