Храна со која ќе го победите ПМС-от

Лошата вест е што не можете да го избегнете, тука е секој месец, но добрата вест е што можете да се изборите со него и тоа со уживање во вкусна храна.

Еве со кои намирници треба да се наоружате кога емоциите ќе се измешаат:

Стабилизирање на шеќер во крвта

Ако добивате чести напади за нешто слатко, а сакате да ги избегнете наглите скокови и падови на енергијата - почесто консумирајте ленени семки, тиква, бадеми, индиски ореви, кикирики или путер од кикирики.

Подигнување на нивото на железо

За да не бидете пасивни и со недостаток на енергија додека трае вашиот ПМС период, преплавете го организмот со железо. Почесто консумирајте спанаќ, леќа и леблебија.

Хормонска рамнотежа

ПМС периодот е резултат на нерамнотежата на хормоните, па за да ги ублажите симптомите, потребно е почесто да јадете брусници, боровинки, капини и слични шумски плодови.

Подобрување на расположението

Ако во било кој момент се почувствувате тажно и депресивно - наградете се со коцка црно чоколадо со висок процент на какао. Само ова чоколадо може да го стимулира лачењето на хормонот на среќа.