Колку ќе се здебелите оваа зима?

Како што се спушта живата на термометарот така се качува стрелката на вагата. Ако не се мерите редовно нема ни да забележите, но ако водите повеќе грижа, ќе забележите дека секоја зима имате неколку килограми плус.

Тоа не ви пречи, бидејќи дебелата облека во неколку слоеви, одлично го крие салото на стомакот, а и прилично удобно се чувствувате.

Покрај сите празници, слави, семејни собири и дружби со пријателите кога трпезите се полни со кифли, благо и месо, ретко кој може да одолее.

Друга причина е и тоа што кога времето е темно, суво и ладно, вкусната мрсна храна  ја гледате како утеха и неопходна за повеќе енергија.

Но, дополнителна грешка е тоа што зимно време имате и многу помала физичка активност, па сите калории си го наоѓаат своето место.

Изговорите дека денот е пократок, имате многу работа или не сте расположени само ги зголемуваат килограмите.

Колку ќе се здебелите оваа зима, зависи само од тоа колку ќе си дозволите!