Три трикови за чистење на жолтите нокти од никотинот

Никотинот остава последици на целото тело, па и на ноктите на пушачите. Иако девојките се обидуваат жолтилото да го покријат со лак, сепак тоа не е решение во секој момент.

Обидете се со овие 3 трикови и ќе забележите резултати

Аспирин

Ставете една таблета аспирин во шолја со топла вода, издробете ја со лажичка и мешајте додека целосно не се растопи. Потопете ги прстите во водата и едната со другата рака тријте ги за да излезат дамките. Постапката трае околу 5 минути. Потоа измијте ги рацете и нанесете хидратантна крема.

Грејпфрут

Пресечете го грејпфрутот на два дела па издлабете го сочниот дел. Ставете ги прстите во грејпфрутот и тријте ги прстите од кората околу  5 минути. Потоа измијте ги рацете со вода и сапун, па нанесете хидратантна крема.

Лимонов сок

Наполнете мал сад со лимонов сок во доволна количина за да ви ги прекрие прстите. Премачкувајте ги прстите околу 5 минути, потоа истријте ги со камен за пети за сите дамки да се отстранат. На крај измијте се и нанесете хидратантна крема да ви омекнат.