Здрав пролетен тренинг: Што да јадете пред и после вежбање?

Храната која ја внесувате во оброците пред и после тренингот има големо влијание на издржливоста на телото, но и на нивото на енергија. Поточно, од клучно значење е да знаете што и кога треба да јадете ако сакате да се стегнете пред почетокот на летото.

Каква задача има оброкот пред тренингот?

Оброкот пред тренинг има за цел да го подготви вашето тело за напорната физичка активност. Конкретно, потребна ви е храна која ќе ви ги наполни батериите за да го издржите напорот. Тоа значи дека не смеете да консумирате намирници кои го оптоваруваат телото и предизвикуваат проблеми со варењето.

Непосредно пред вежбањето никако не би требало да внесувате големи количини масти, дури и ако се работи за здрави масти. На нив им требаат доста време да се сварат, па може да ви предизвикаат болка во стомакот за време на вежбањето.

Но, од друга страна пак ризично е и ништо да не јадете пред тренингот. На овој начин ризикувате да ви откаже некој мускул и да предизвикате огромен стрес на телото.

Што треба да јадете пред тренингот?

Банани - идеален извор на јаглехидрати. Покрај тоа прилично долго го одржуваат чувството на ситост, а тоа е добра гаранција дека телото добро ќе го поднесе тренингот.

Домати - одличен извор на калиум, кој го спречува заморот на мускулите.

Јаткасти плодови - преполни со влакна кои овозможуваат долготраен извор на енергија и притоа не го оптоваруваат системот за варење.

Интегрални житарки од цело зрно и овесна каша- содржат влакна, но и витамин Б кој активно учествува во процесот на искористување на енергијата од организмот.

Путер од кикирики - се препорачува заради енергијата која ќе ви ја даде, само не претерувајте со количината. 2 лажички се сосема доволни.

Каква задача има оброкот после тренингот?

Кога ќе завршите со тренинг, вашиот организам има потреба од сите елементи неопходни за формирање на мускулната маса. На врвот на оваа листа се наоѓаат протеините, минералите и витамините.

Што треба да јадете после тренингот?

Бело пилешко или мисиркино месо - преполно е со протеини, па затоа ќе придонесе за формирање на мускулите.

Варени јајца - доволно е само 1 варено јајце кое содржи околу 6,3 грама протеини.

Млеко - има огромна улога во изградбата на мускулите по тренингот.

Зелен зеленчук - богат со магнезиум, кој помага полесно да ги пребродите болките, грчевите и воспаленијата по напорните вежби.

Сок од портокал - витаминот Ц во комбинација со калиум исто така е супер лек за изморените мускули.

Што да јадете во случај да чувствувате голема болка во мускулите?

Црвена пиперка - содржи витамин Ц кој е неопходен за опоравување на тетивите, ‘рксавицата и мускулите.

Пастрмка - свежа или од конзерва, полна е со омега 3 масни киселини и протеини кои ги опуштаат коските, тетивите и лигаментите. Плус, ако јадете било каква храна богата со омега 3 масни киселини (ленено семе, ореви) тоа е еднакво како да истурате ледена вода врз воспалените мускули.

Морков - витаминот А со кој е богат морковот е неопходен во борбата со инфекции кои може да се јават како последица на некоја повреда.

Бадеми - само 20 бадеми се доволни за да се наполните со витамин Е, кој пат е неопходен антиоксиданс за одржување на здравиот имунолошки систем.

Совршен шејк после напорниот тренинг:

• 200ml млеко со низок процент на масти
• 50g боровинки - антиоксиданс
• 50g малини - манган и витамин Ц
• 2 лажици јогурт со низок процент на масти
• 100ml сок од портокал - витамин Ц
• ½ банана - витамин Б6
• Неколку коцки мраз

Измешајте ги состојките во блендер и испијте го шејкот половина час по тренингот.

Како да препознаете дека не се храните правилно?

Првите симптоми по кои може да забележите дека не се храните правилно пред и по тренингот се мачнина, стомачни грчеви, подригнување, ниско ниво на шеќер, нагон за повраќање, подуеност, дехидрација.