3 намирници кои го решаваат проблемот со ‘рчењето

‘Рчење - можеби најиритирачкиот звук кој можете да го чуете во текот на вечерта. Иако лекарите и аптеките нудат безброј решенија, зошто да се труете со хемикалии?

Постојат најмалку 3 природни намирници кои се исто така делотворни, а чинат многу помалку.

1. Маслиново масло

Чудесно е што токму ова масло кое го има во речиси секој дом го решава проблемот со гласно ‘рчење. Едноставно, наполнете чаша вода со собна температура и додајте 1 лажица мед и 1 лажица ладно цедено маслиново масло.

За подобар ефект може да нарендате и малку свеж корен од ѓумбир.

Испијте ја оваа мешавина половина час пред да си легнете.

2. Нане

Една од билките со најубав мирис кој има дејство како одличен анестетик, но и антисептик. Затоа, ако имате проблем со ‘рчење пијте по барем 1 чаша чај од нане дневно. Најдобро би било да ја испиете непосредно пред спиењето.

Етеричното масло од нане исто така е делотворно. Пред да си легнете, во чаша со вода додајте неколку капки масло од ментол кое ќе го набавите во аптека и правете гаргара со оваа мешавина.

3. Кардамон

Овој арапски зачин има специфична арома, па затоа често ќе го сретнете по некои егзотични рецепти. Сепак, има и здравствени предности - го олеснува дишењето и ја разредува слузта, а токму затоа им се препорачува на луѓето кои често и гласно ‘рчат.

Изгрицкајте неколку семки кардамон пред спиење или во чаша со вода помешајте малку цимет, мед и ½ лажичка од овој зачин во прав.

Кардамонот може да го купите во сите продавници за здрава храна.