Новата супер-храна во 2016-та: Црно семе, мака во прав, јаворова вода

Изгледа дека секоја година носи нови видови на храна кои се етикетираат со претставката супер, а истражувањата потврдуваат дека токму овие новитети ќе ја направат разликата во нашиот живот, токму како што тоа го ветуваа и ветуваа и аронијата, гоџи бобинките, чија семето или киноата.

Дали се работи за обичен тренд од областа на органската супер-храна, паметни маркетиншки трикови кои нè тераат да ги празниме џебовите или навистина овие продукти прават огромна разлика во квалитетот на нашето живеење, сепак е индивидуален избор.

Во годината која полека, но сигурно, се приближува кон средината, ова се најновите трендови во здравата исхрана. Голем дел од нив лесно може да ги набавите во продавниците за здрава храна.

Црно семе

Се чини дека црното го замени чиа семето. Библијата вели дека е „лек за сè, освен за смртта“. Ефикасно го чисти телото од токсини, ги регенерира бета клетките, се бори против бактериски и габични инфекции. Особено се препорачува на оние кои имаат дијабетес тип 2, лицата кои страдаат од епилепсија и оние со висок крвен притисок.

Јаворова вода

Најчистата форма од сокот коj поминува низ стеблата на јаворите, содржи богатство од антиоксиданти и минерали кои помагаат во контролата на шеќер во организмот. Истовремено, ја засилува работата на тироидната жлезда, наменета за сите оние кои се борат со хипотироидизам. Означена како новата „чудотворна вода“, сѐ уште се чека пресудата од истражувањата на нутриционистите, иако јаворовата вода веќе ги освои следбениците на здравата исхрана.

Коџи ориз

Се работи за специфичен вид на ориз, кој претходно ферментирал со помош на влакнеста габа, со чија помош пак може да се ферментираат и соја зрна, а подоцна традиционално се прави соја сос. Приврзаниците на органска здрава храна решија да го употребат коџи оризот при подготовка на зеленчук и сосови за салата. Во што е поентата? Коџито и додава „масен“ вкус на храната, а за возврат не содржи сол, шеќер, ниту масти.

Златни бобинки

Светло портокалови сушени плодови кои потсетуваат на брусница, но со убава златна нијанса, овие бобинки се одликуваат со констрастен слатко-кисел вкус и влијаат многу поволно на здравјето, поради своите анти-воспалителни својства.

Содржат богатство од витамини, минерали, аминокиселини и тајното оружје скриено под нивната набрчкана коричка – пектин, кој ја регулира работата на дигестивниот систем и нивото на лош холестерол. Многумина ги препорачуваат и за ефикасно слабеење.

Мака во прав

Перуанската билка која се одгледува заради нејзиниот корен (повторно) влегува на голема врата во светот на органската храна и во 2016 година.

Богата со есенцијални аминокиселини, маката содржи и голем процент на железо, калциум, магнезиум, натриум, сулфур, калиум и фосфор, како и витамини од типот Ц, Е, Б1 и Б2.

За што се употребува? Првенствено за регулација на хормоналнит дисбаланс, ги ублажува менструалните болки, придонесува за поредовен циклус, а го зголемува и либидото и плодноста, како кај жените, така и кај мажите.

Маката во прав го зајакнува имунитетот, штити од анемија и остеопороза на коските, а ја подобрува и мозочната функција.

Вистинска супер-храна.

(О)Милена | Црнобело