Замена за брза храна: 6 здрави ужини кои можете да ги носите на плажа

Нема ништо поубаво од тоа додека сме на плажа да уживаме во омилениот пијалак и по некое вкусно јадење.

 

Но, со оглед на тоа што поголемиот дел од денот го поминуваме на плажа, времето за подготвување на здрав оброк е скратено и внесуваме многу непотребни калории и нездрава храна за да се заситиме.

Сепак, постојат 6 здрави ужини, кои можеме да ги понесеме со нас и да нè задоволат до следниот оброк. 

1. Крекери со сирење

Оваа комбинација ќе ги задоволи вашите потреби за храна, а немасното сирење ќе ви ја даде потребната количина на протеин, што ќе ве држи заситени додека сте на плажа.

2. Сос од хумус и зеленчук

Сите ја обожаваме добро познатата комбинација на чипс и сос, но наместо тоа, сосот од хумус и изрендан зеленчук (морков и целер) е одлична здрава замена. А, секако доколку зеленчукот не ви е доволен, секогаш можете да го искомбинирате со солени крекери или некое печиво. 

3. Јаткасти плодови

Земете ги вашите омилени јаткасти плодови и ставете ги во кесичка која ќе ви стои во торбата за на плажа. Доколку јаткастите плодови и не ви се баш омилени, одлична замена се и пуканките. 

4. Овошна салата

Наместо да носите по едно парче овошје кое ќе се гмечи во торбата, направете овошна салата и затворете ја во сад, за да ви биде достапна во секој момент. Совет: исечете го овошјето на коцки и замрзнете го, за да стои ладно подолго време.

5. Вода со свежо овошје

Водата со вкус на овошје е одличен начин како да го одржите телото хидратизирано во текот на целиот ден, а тоа да не биде со обична минерална вода или вештачки сокови во различни вкусови.

6. Гранола бар

Вкусен благ оброк кој можете да го понесете со вас на плажа, а можете да го направите сами со омилените намирници како јаткасти плодови и суво овошје. 

М. М. | Црнобело