10 највкусни италијански десерти кои вреди да ги пробате

Веднаш штом се спомене Италија, луѓето помислуваат на две работи: мода и храна.

Италија е земјата од која потекнуваат многу вкусни специјалитети, кои со годините станале познати низ целиот свет.

Еден од особено важните сегменти за Италијанците кога е во прашање храната, е десертот.

Според нив ниту еден ручек не е целосен доколку не заврши со десерт.

Токму затоа ова се највкусните италијански десерти кои морате да ги пробате.

1. Zabaglione

Вистинско слатко задоволство направено од јајца, шеќер и „Марсала“ вино. На прв поглед изгледа како пијалак, но всушност е многу мек десерт кој се служи во чаша.

 

2. Torta Caprese

Традиционална торта од Капри, направена од чоколадо и лешници која одозгора се прекрива со шеќер во прав.

 

3. Cantucci di Prato e Vinsanto

Со потекло од Тоскана, овој десерт е во форма на бисквит со лешници кој секогаш се јаде заедно со алкохолен пијалак, најчесто некое слатко вино.

 

4. Semi-Freddo

Во буквален превод значи полуладно и е заедничко име за многу десерти кои се смрзнати и прекриени со сладолед или слатка павлака.

 

5. Cannoli

Можеби еден од најпознатите италијански рецепти низ целиот свет, кој не само што е вкусен, туку и има интересен изглед. Крцкавото тесто извиткано во ролни е исполнето со слатка рикота што го прави неодоливо вкусно.

 

6. Sicilian Cassata

Овој сицилијански рецепт покрај труд, бара и доста време за декорација. Во внатрешноста има пандишпан, меѓу кој се наоѓа фил од рикота, а надворешноста внимателно се прекрива со марципан.

 

7. Rum Baba

Мало цилиндрично парче торта потопено во рум, декорирано со слатка павлака е она што во суштина претставува овој десерт.

 

8. Panna Cotta

Еден од најпрепознатливите италијански рецепти кој во превод значи зготвен крем, односно зготвена слатка павлака декорирана на одличен начин со овошен сируп и парчиња овошје.

 

9. Tiramisu

Неверојатно вкусна торта со слоеви фил од кафе, маскарпоне и жолчка од јајце. Еден од вкусовите кој штом го пробате никогаш нема да го заборавите.

 

10. Gelato

Можеби една од најдобрите причини зошто треба да ја посетите Италија. Џелато не е обичен сладолед и Италијанците никогаш нема да ви простат ако кажете нешто такво. Тајната е во тоа што тој не се замрзнува, а тоа го прави покремаст и му дава многу поинтензивен вкус.

 

М. С. | Црнобело