8 намирници богати со масти кои ви помагаат да ослабете

Сите масти не се трансформираат во сало и не се „лепат“ во облик на целулит. Затоа, не бегајте од добрите масти, бидејќи може да ви помогнат да останете сити, здрави и во добра форма.

А, во изобилие ги има во овие 8 намирници кои треба да ги консумирате почесто.

Од друга страна, за споредба, 8 намирници кои треба да ги замените со нивните поздрави варијанти:

Путер – замена – авокадо

Путерот е полн со калории и нездрави масти. Авокадото иако е најмасниот плод во светот, го регулира нивото на холестерол, го стабилизира шеќерот во крвта и го зајакнува имунитетот.

Салама – замена – лосос

Заради сите додатоци во саламите, тие не се најпаметен избор за вашиот сендвич и за вашата линија. Лососот во комбинација со зеленчук пак, е одличен избор за ручек, полн со влакна и протеини.

Сланина – замена – јајца

Пржената сланина има 192mg сол по парче, како и 42 калории, што сигурно не е здраво, комбинирано со сите насобрани нездрави масти. Јајцата од друга страна, се одличен извор на витамини, протеини, антиоксиданси и добри масти.

Пуканки – замена – бадеми

Иако делуваат како да немаат ништо во нив, освен воздух, во 200g пуканки има цели 1.500 калории. Поздрава алтернатива дефинитивно се бадемите кои содржат омега-3 масни киселини, антиоксиданси и одлично ја побиваат желбата за храна.

Неутрална павлака – замена – јогурт

Кремастите павлаки не се добар избор за вашата линија. Подобро одберете пробиотик како јогуртот, богат со протеини и калциум.

Сончогледово масло – замена – маслиново масло

Ограничете го консумирањето на маслиново масло на 1 лажичка на ден, а пржењето во него заборавете го. Заменете со маслиново масло кое содржи омега-9 масни киселини, го намалува апетитот, го забрзува метаболизмот и има позитивен ефект врз кожата и косата.

Шлаг – замена – сирење

Кога веќе сакате да се почестите со нешто млечно и вкусно, одберете некое сирење како моцарела, тофу или фета. По секоја цена избегнувајте шлаг како додаток кој може да ви го „разубави“ оброкот, бидејќи го накачува нивото на холестерол и воедно е калорична бомба.

Свинско месо – замена – јагнешко месо

Сите знаеме дека свинското месо е екстремно тешко за обработка и варење, што може да доведе до подуеност. Од друга страна, јагнешкото е одлична замена бидејќи го стабилизира метаболизмот и холестеролот.

М. Д. | Црнобело