Кои јаглехидрати не смеете да ги исфрлите од исхраната?

Кога се зборува за јаглехидрати често помислуваме на леб, печива и десерти, но забораваме дека ги има и во здрави варијанти.

Ограниченото внесување на јаглехидрати помага во брзи, но краткотрајни резултати на губење килограми. Сепак, кога се работи за долгорочен режим на исхрана, потребно е да бидат вклучени во оброците.

Навистина, слатките и печивата не се добри за нашата витка линија, но јаглехидратите кои потекнуваат од овошје, зеленчук или мешунки му помагаат на телото да ги апсорбира диеталните влакна и полесно да ги вари.

Затоа, колку и да сакате, никогаш не ги исфрлајте од исхраната следниве извори на јаглехидрати:

Целите житни зрна

Јачмен, овес, 'рж, кафеав ориз, киноа, хељда, секогаш е подобро да ги јадете сварени или отстоени во вода, наместо да купувате житни снегулки.

Житариците имаат доволно хранливи материи за да ве држат сити до следниот оброк.

Грашок, грав, леќа и други мешунки

Мешунките се одлични како додаток во чорби, салати или тестенини. Богати се со витамини, минерали и протеини, како и со здрави јаглехидрати.

Помагаат во заштита на телото од воспаленија и инфекции.

Компири и слатки компири

Иако имаат различни нутритивни вредности, за обичниот и слаткиот компир заедничко е тоа што се богати со витамини А и Б6, растителни влакна и јаглехидрати.

Единствено, треба да се внимава да не се претера со изедената количина слатки компири, бидејќи навистина содржат повеќе јаглехидрати од обичните.

Есенска тиква

Есенската тиква е богата со лутеин и природен шеќер, со протеини, магнезиум и калиум. Можете да ја јадете печена или како додаток на супи и чорби.

Одредени видови овошје

Како што знаете, грозјето, бананите и јаболките се забранети во диетите за намалување и исфрлање на јаглехидрати во исхраната.

Но, вистината е дека за да одржите здрав баланс, потребно е да ги консумирате овошјата што ви се допаѓаат, во ограничени количини. Секогаш е подобро да ги јадете целите овошја, наместо да ги блендирате во каши и смутија.

Е. Д. | Црнобело