Како со храната да си помогнете против анксиозноста?

Постојат одредени случаи кога храната или нејзиниот недостаток можат да бидат причина за појавата на анксиозноста.

Она што влегува во нашето тело директно влијае и на физичкото и на менталното здравје. Многу доктори, наместо да препишуваат антидепресивни на своите пациенти, ги советуваат да се обидат со промени во исхраната.

Иако нутриционизмот не е дел од психијатријата, правилната исхрана со добриот пристап на лечење може да дадат одлични резултати кај лицата со анксиозност, промени во расположение, па дури и полесни облици на депресија.

Доколку се чувствувате повремено анксиозно, внесувајте од следниве хранливи состојки:

Магнезиум - помага личноста да се чувствува посмирено. Го има во зелениот листест зеленчук, целите житарици, семките и јатките.

Цинк - храната богата со цинк ќе го подобри вашето расположение. Јадете жолчки, костени, џигер и телешко месо.

Омега 3 масни киселини - имаат докажано дејство во ефикасната борба со депресијата и анксиозноста. Нека вашата исхрана вклучува лосос, туна, сардини, чиа семки, ленено семе, ореви и соја.

Пробиотици - пијте доволно јогурт или кефир, а понекогаш дозволете си и закиселена храна, на пример краставички или зелка.

Витамините Б - тие се докажани подобрувачи на расположението, бидејќи ги контролираат нивоата на серотонин и допамин.

Антиоксиданси - ги има во сите видови грав, потоа во јаболките, црешите, сливите, јагодите, брусницата, па во оревите, во кељот, спанаќот, брокулата и цвеклото, а од зачините, во ѓумбирот и во куркумата.

Е. Д. | Црнобело