Јапонската храна е многу повеќе од суши - би пробале ли нешто од нивната трпеза?

Мисо супа

Мисо супата е омилена меѓу Јапонците. Се служи и за појадок и за ручек и за вечера, а се прави по неколку рецепти.

Мисото е всушност резултат на ферментација на сојата, а во супата се додаваат и тофу, млад кромид и лук, коренести зеленчуци, риба, печурки, компири или свинско месо.

Набе - јапонско грне

Слично како и кај нас, така и во јапонското грне се ставаат месо, зеленчук, печурки и по желба тестенини и сето тоа се вари, најчесто на пареа.

Се јаде во текот на целата година, но најдобро е во ладните месеци. Набето било омилена храна на сумо борачите.

Соба - интегрални шпагети

Ова се рачно подготвени интегрални нудли, кои во рестораните се навистина скапи, но се едноставни за подготовка дома.

Може да се јадат во супа или самостојно, со зеленчук и зачини.

Темпура - прженици од морски плодови и зеленчук

Темпурата се парчиња месо, риба или зеленчук потопени во ретка маса од брашно и јајца и пржени до крцкавост. Се јадат со соја сос.

Тонкацу - поховано месо и супа

Тонкацуто е јапонска верзија на познатата „бечка шницла“. Похованиот свински котлет се пржи во зеленчуково масло и се сервира со ориз, зеленчук и мисо супа. Често се користи и во сендвичи.

Удон - слично на рамен супа

Удонот е подеднакво попуалрен како и рамен супата. Нудлите се подебели, а може да се комбинира со тофу или со пржената темпура.

Е. Д. | Црнобело