Што би требало да содржат оброците во градинките?

Храната која се подготвува за децата мора да биде со висок квалитет во секој поглед. Тоа значи дека мора да биде спремена на најдобар можен начин, мора да биде здрава и квалитетна, да биде разновидна, да биде нутритивно богата и секако да биде многу вкусна.

Исто така, добро би било храната за деца да биде малку поспецифично декорирана, затоа што и на тој начин треба да се привлече нивното внимание и да се заинтересираат за храната.

Што треба да консумираат децата:

Супи и чорби

Неколку пати во неделата на менито за храна на децата мора да се најде некоја супа или чорба. Обично се предлага тоа да биде пилешка супа, но да биде спремена на најдобар можен начин. Сите ја сакаат пилешката супа, а особено децата.

Пилешката супа закрепнува, здрава е и сосема е нутритивно богата, токму онолку колку што и на децата им треба. Чорбите можат да бидат и говедски, а тоа може да биде и супа од домати. Супите и чорбите не би требало да бидат премногу масни или зачинети. Тоа се треба да биде максимално здраво припремено.

Месо

Месото е многу важно во секојдневната исхрана на децата. Тоа значи дека месото би требало да го има на менито, а пред сè тоа треба да биде пилешко месо, секако некогаш е дозволено тоа да бидат и ќофтиња од мелено месо или пак шницли и сл. Најдобро е тоа да биде некое печено месо, односно бело месо во некоја поздрава варијанта.

Салати - од зеленчук, а може и овошни

Секако, во прилог на главниот оброк би требало да оди и салата од зеленчук, која е моментално сезонски актуелна. Но, исто така пожелно е да има и овошни салати и тоа во што поголеми дози.

Генерално не сакаат сите деца да јадат овошје и тогаш е потребно тоа да им се претстави на вистински начин.

Десерт

Во глобала сите би сакале да изедеме нешто слатко по ручекот, па така и децата. Кога знаат дека нешто слатко ги чека по ручекот, сигурно уште повеќе ќе им „легне“ храната којашто во моментот ја јадат. Тоа значи дека храната во градинките би требало да содржи и нешто слатко како што се мали пити, мафини, палачинки и сл.

И секако дека не би требало да постои десерт после секој оброк или секој ден, но пожелно е тоа да биде барем еднаш или два пати недело. Наместо калоричен десерт, секогаш тоа може да биде некоја вкусна овошна салата.

M. П. | Црнобело