Колку авокадо или телешки џигер треба да изедете за да ве „убие“?

Авокадото со години важи за неизоставна намирница меѓу оние кои се хранат здраво, но и кај оние кои сакаат да направат добар сос за паста или гвакамоле.

Но, дали може да се претера со авокадо?

Еве колку авокадо, но и други здрави намирници, се потребни за да предизвикаат труење или нарушување на дигестивниот систем, а кои може да бидат фатални за вас:

Телешки џигер

Џигерот содржи витамин А, кој ни е потребен, но не смее ниту да се претерува со него. Сепак, потребно е огромна количина, околу 150 килограми, за да предизвика инстантна смрт.

Затоа, држете се до препорачаната количина од околу 200 грама на ден и тоа не повеќе од двапати неделно.

Авокадо

Авокадото содржи доволно калиум (повеќе од бананата) за да ги задоволи дневните потреби од овој минерал. Но, во исто време е и богато со масти, кои може да го нарушат работењето на кариоваскуларниот систем.

Не претерувајте со изедената количина, но и не се плашете, бидејќи треба да изедете 200-240 авокада за да предизвикаат смрт.

Темно чоколадо

Количината на какао во еден до два реда темно чоколадо ќе ви го подобри притисокот и ќе ве направи посреќни. За да предизвикаат смрт, треба да се изедат над 300 чоко-табли, што е практично невозможно.

Лубеница

Омиленото летно овошје е богато со вода, електролити и минерали и мислите дека нема ништо опасно во тоа да ја јадете неограничено.

Сепак, количината која може да убие е доволно голема за да бидете надвор од опасност. Имено, треба да се изедат три или четири лубеници, за да претерате.

Кафе

Околу кафето постојано се водат дебати дали е штетно или не. Одговорот е дека сè е во количината која ја пиете. Но, за да ве убие, треба да испиете 50-70 шолјички кафе.

Е. Д. | Црнобело