Навалете на младо кромитче – зошто е полезно да го јадете, особено зелените перца?

Сезоната на млад кромид започна и слободно може да јадете колку што сакате од него, бидејќи речиси нема нешто за кое не помага, а ова особено важи за перцата, односно зелениот дел.

Младиот кромид е богат со минерали и витамини, а најмногу прави разлика во однос на овие три работи:

Го штити срцето

Бидејќи младиот кромид е полн со антиоксиданти коишто ги штитат клетките од оштетување од слободните радикали, нема да згрешите ако јадете млад кромид и секој ден. Покрај ова, тој го одржува крвниот притисок во граници на нормалата и го намалува ризикот од создавање на грутки во крвта.

Ги зајакнува коските

Младиот кромид изобилува со витамин Ц и К коишто се одлични за коските. Само едно перце содржи околу 20% од дневно препорачаната доза на витамин К и околу 2% витамин Ц.

Го намалува холестеролот

Доколку сте од оние што ги фрлаат зелените перца од младиот кромид, после оваа информација ќе престанете бидејќи токму тие го намалуваат лошиот холестерол и го регулираат шеќерот во крвта.

(О)Милена | Црнобело