Што да јадете првиот месец по породувањето?

Првите неколку недели по породувањето се физички, ментално и емотивно исцрпувачки. И покрај тоа што првиот месец е одлично време да се фокусирате на вашето здравје и благосостојба, грижата за себе гарантирано нема да биде на врвот на вашата листа.

Но, не мора да излезете од дома за да си помогнете. Всушност, добриот избор на храна ќе ви помогне побрзо да се опоравите и да се навикнете на новонастанатата состојба.

И бидејќи недостатокот на сон нема да ви дозволи да престојувате во кујната со часови и да сецкате зелена салата, еве неколку намирници што мора да ги имате дома за брзо и квалитетно ги наполните батериите:

Овесна каша

Оброк богат со растителни влакна и протеини, ќе ве засити за миг. Се вели дека овесот помага при лактација ако доите.

Јатки

Овие здрави масти, исто така, содржат протеини, што ги прави одлична закуска, а лесно можете да дофатите грст кога ви треба малку повеќе енергија.

Овие здрави маснотии се од суштинско значење за органите на вашето бебе и развојот на мозокот, како и за вашиот метаболизам и производство на млеко.

Путер од јатки

Без разлика дали сакате путер од кикирики, путер од бадеми или друг вид јатки, ова е одличен избор за да имате при рака брза доза на протеини и здрави маснотии.

Јајца

Варени, пржени, секакви... Не ви се потребни повеќе од десетина минути за подготовка, а може и да сварите поголема количина и да ги сместите во фрижидер - така ќе имате спремна надополна на протеини.

Јајцата, исто така, содржат многу хранливи материи и витамини кои можат да помогнат во опоравувањето од раѓањето.

Хумус

Полн е со протеини, растителни влакна и здрави маснотии благодарение на наутот, тахини и маслиновото масло од кое е направен. Намачкајте го на леб или користете го како сос за крекери.

Замрзнато овошје и зеленчук

Замрзнати затоа што тешко дека ќе имате време да ги надополнувате свежите залихи. Може да ги одмрзнете во микробранова, а поздрава варијанта е едноставно да ги изблендирате.

Сладок компир

Богат е со хранливи материи, лесен за правење и има подолг рок на употреба од другиот зеленчук. Содржи витамин А, кој се пренесува преку мајчиното млеко на бебето, а исто така го поддржува имунитетот.

Јаболка

Како и слатките компири, јаболката има подолг рок на употреба од повеќето други плодови и кога се јаде со путер од јатки, е совршена мешавина на протеини, здрави маснотии и комплексни јаглехидрати за да ја задржите енергијата.

A. Ш. | Црнобело