Храна што може да биде поштетна дури и од цигарите

Знаевте ли дека денес, лошата и нездрава исхрана убива многу повеќе луѓе од цигарите?

Некои прехранбени продукти можат да бидат навистина деструктивни за вашиот организам и да нанесат повеќе штета дури и од цигарите.

Погледнете за кои станува збор:

Туна

Туната е можеби најпопуларна риба за јадење, но проблемот е што има премногу жива. Обично оваа хемикалија е испуштена во океаните од големите фабрики, по што станува дел од исхраната на рибите.

Поради ова многу риби, вклучувајќи ја и туната, содржат високо количество жива.

Високото количество жива во крвта може да резултира со проблеми со сеќавањето и концентрацијата, анксиозност и срцеви заболувања.

Суши

Самото суши не е штетно, но денес постојат толку многу верзии со секакви додатоци кои можат да предизвикаат проблеми со здравјето. Денес постојат суши со мајонез, крем-сирење, сосови и други додатоци што го прават сушито навистина калорична храна.

Доколку сакате да уживате во вкусот на сушито, најдобро е да консумирате едноставни видови со лосос или сашими.

Риба од рибник

Дивите риби се одличен извор на омега 3 маси киселини кои го намалуваат ризикот од срцеви заболувања. Но, нивната количина многу зависи од исхраната на рибата.

Најчесто рибата што се продава по маркетите доаѓа од рибници. Понекогаш овие риби се хранети со разни адитиви што го забрзуваат нивниот раст.

Соја

Сојата може да биде исто проблематична за вашето здравје колку и за околината. Наводно, сојата е најдеструктивното растение што се одгледува бидејќи ги собира сите хранливи материи од почвата.

Покрај тоа, поголемиот дел од сојата што се нуди на пазарот е генетски модифицирана, па речиси и да не добивате ништо од потребните хранливи материи.

Истовремено, сојата е богата со изофлавони, односно растителни естрогени, па го зголемува нивото на естроген во телото и може да предизвика проблеми со менструалниот циклус.

Спирова С. | Црнобело