Трикови за слабеење за сите оние кои решија да „престанат“ со јадење по Нова година

Во едно истражување кое имало за цел да ја нагласи важноста на исхраната и навиките за јадење, испитаниците во просек изгубиле 3,1 килограми за 12 недели.

Она што е уште поважно, кај испитаниците се намалил ризикот од дијабетес и инфаркт. Правилниот начин на исхрана не само што ќе ви помогне да ослабете, туку ќе ви го подобри и здравјето.

Важно е да развиете здрави навики за јадење, а доколку претеравте со храна периодов, следниве совети и трикови ќе ви бидат од корист.

Време е да почнете од некаде:

Пијте 9 чаши вода на ден

Најпрво, не заборавајте да испиете чаша вода околу половина час пред оброк. Според едно истражување, оваа навика може да го забрза слабеењето за 44%, во рок од 3 месеци.

За мажите е препорачливо да пијат 12-13 чаши вода на ден, а жените 9.

На овој начин вашето тело ќе биде хидриранo и полесно ќе ги исфрла токсините. Истовремено, водата ќе ви го намали и апетитот.

Авокадото е ваш сојузник во слабеењето

Црниот грав, авокадото, брокулата, јаболката и морковите имаат состојка наречена растворливи хранливи влакна. Оваа состојка не само што ќе ви помогне да останете во форма, туку ќе го намали и ризикот од дијабетес и инфаркт.

Најдобро е да внесувате 25-38 грама од оваа состојка во текот на денот.

Во рестораните не седете свртени кон изложената храна

Некои ресторани и повеќето слаткарници, ја имаат изложено храната што ја нудат. Доколку јадете на такво место, најдобро е да не седите свртени кон храната.

Причината е тоа што ако седите пред вкусна торта, вашата желба за храна само ќе се зголемува.

Внесувајте доволно витамин Д

Сончевата светлина има позитивно влијание врз слабеењето, најмногу поради витаминот Д.

Според едно истражување кое траело 4 години, зголемениот внес на витамин Д го спречува дебелеењето.

Доколку не излегувате често на сонце, или во зима, можете да земате додатоци во исхраната со витамин Д. Сепак, најдобро би било да поминувате 10-15 минути на сонце секое утро.

Продолжува на следната страница...