Намалува видливост на брчки, антивоспалително својство и уште 5 причини зошто почесто да користите цимет
Спонзорирано од:
Спонзорирано од ОгласиЗаРабота.мк


Намалува видливост на брчки, антивоспалително својство и уште 5 причини зошто почесто да користите цимет

Некогаш циметот бил луксуз, но денес ни е достапен на сите и го има во речиси секој дом. А, покрај тоа што им го подобрува вкусот на многу јадења, циметот е одличен и за вашето здравје.

7-prichini-zoshto-pochesto-da-koristite-cimet-01.jpg

Кога го консумирате, циметот има позитивно влијание врз многу органи, а можете да го користите и како маска за подобрување на здравјето на кожата.

Погледнете зошто треба да користите цимет почесто:

Може да ја намали појавата на акни

Циметот има антивоспалителни и антибактериски својства кои помагаат во третманот против акни. За да ги почувствувате придобивките, можете да си направите маска од мед и малку цимет. Нанесете ја маската на лицето, оставете да отстои 10-тина минути и исплакнете со вода.

7-prichini-zoshto-pochesto-da-koristite-cimet-02.jpg

Ја намалува видливоста на брчките

Слободните радикали можат да бидат причина за појава на брчки и секакви проблеми со кожата. Циметот, пак, е извор на антиоксиданти кои го штитат телото од слободните радикали, со тоа правејќи вашата кожа да изгледа подобро и посвежо.

Некои истражувања покажале дека циметот може да го поттикне и лачењето колаген.

Го изедначува тенот

Циметот ја подобрува и циркулацијата на крвта, а со тоа кожата добива повеќе кислород и изгледа многу подобро. Истовремено, циметот има состојка позната како астрингент, која ја чисти и затегнува кожата.

7-prichini-zoshto-pochesto-da-koristite-cimet-03.jpg

Антивоспалителни својства

Веќе напоменавме дека циметот има антивоспалителни својства, кои се корисни за целиот организам, не само кожата. Некои истражувања покажале дека поради овие својства, циметот може да ги намали и отоците на нозете.

Добар е за срцето

Според едно истражување, циметот може да биде добар и здравјето на срцето. Во истражувањето се покажало дека циметот ги намалува несаканите ефекти кои доаѓаат со исхраната богата со масти, вклучувајќи ги и проблемите со срцето.

7-prichini-zoshto-pochesto-da-koristite-cimet-04.jpg

Помага во слабеењето

Бидејќи циметот е богат со хранливи влакна, може да ви помогне да го контролирате апетитот. Истовремено, тој го забрзува и метаболизмот – нешто што е важно при процесот на слабеење.

Подобра меморија

Циметот може да го забави стареењето на мозокот, а има позитивно влијание и врз делот одговорен за сеќавањето. Кај истражувањата се покажало дека екстрактот од цимет може да ги ублажи симптомите на Алцхајмер, но потребни се дополнителни истражувања за влијанието кај луѓето со оваа болест.

7-prichini-zoshto-pochesto-da-koristite-cimet-05.jpg

Спирова С. | Црнобело

Би можело да ве интересира:

Што ќе се случи со телото, ако секој ден имате барем еден оброк со риба? Сите знаеме дека во исхраната треба да ни биде вклучена риба барем еднаш неделно...
Антистрес оброци и ужини кои му помагаат на телото Ако се борите со некаков стрес, на телото му е потребна и храна која ќе му помог...
Листа на алкални намирници за да ја нормализирате pH вредноста во телото Киселоста на организмот е причина за многу заболувања, меѓу кои и вишокот килогр...

Најчитани неделава