Не го оставајте замрзнувачот празен и уште 9 совети за правилно чување замрзната храна

Не го оставајте замрзнувачот празен долго време

Полниот замрзнувач подобро ја задржува ниската температура од празниот. Кога ќе го отворите, замрзнатата храна помага во регулирањето на температурата, па замрзнувачот нема да троши многу енергија за повторно да се излади.

Истовремено, немојте да го преполнувате замрзнувачот бидејќи сепак е потребна некаква циркулација на воздухот во неговата внатрешност.

Внимавајте кога ја одмрзнувате храната во микробранова печка

Веќе спомнавме дека микробрановата печка е одлична за размрзнување храна. Сепак, во овој случај треба да имате предвид дека некогаш загревањето на храната не е рамномерно.

За храната да се размрзне подеднакво, немојте да ставате големо количество одеднаш и осигурете се дека садот ќе има доволно простор да ротира.

Користете соодветни садови

Немојте да ја замрзнувате храната во алуминиумска фолија бидејќи лесно може да се скине.

Наместо тоа, користете пластични садови.

Можат да користите и стаклени тегли, само немојте да ги преполнувате ако ставате течна храна. Кога замрзнува, течната храна се шири, па ако нема простор во теглата, може да пукне.

Што да правите ако снема струја?

Генерално, храната во замрзнувачот може да остане погодна за јадење околу 48 часа ако тој е исклучен.

Веројатно нема да дочекате да снема струја на толку долг период, но доколку некогаш се случи, по 48 часа најдобро фрлете сè.

Ставете датум на продуктите во замрзнувачот

Не треба вечно да ја чувате храната во замрзнувач и повеќето намирници можете да ги чувате околу четири месеци.

Храната можеби нема да се расипе, но по некое време ќе изгуби голем дел од хранливите состојки, а вкусот и текстурата ќе се променат.

Затоа, пред да ја ставите храната во замрзнувач, ставете налепница со датумот кога сте ја замрзнале.

Спирова С. | Црнобело