10 зачини со кои ќе готвите како професионалец (и ќе си го подобрите здравјето)

Покрај биберот и црвениот пипер што сме сигурни дека ги користите, ако во рецептите почнете да додавате и други зачини, како куркума, вашите јадења ќе бидат како на професионалец. 

Можеби најважниот дел од секое јадење се зачините – дури ни најскапата и најквалитетна храна нема да има добар вкус ако не додадете некој зачин.

Покрај тоа што го подобруваат вкусот, повеќето зачини имаат и многу здравствени придобивки.

Нормално, овие зачини не заменуваат лекарска помош, но со почесто користење не само што ќе си го подобрите здравјето, туку и ќе уживате во многу повкусна храна.

Кои зачини треба да ги користите почесто?

Куркума

Куркумата не само што го подобрува вкусот на многу јадења, туку крие и неколку здравствена придобивки – од спречување на воспаленија, па сè до ублажување на симптомите на депресија.

Куркумата можете да ја додадете во смути, супи, пржени јајца или омлет и мафини, а најдобро оди со ориз и пржен зеленчук.

Балсамико оцет

Балсамико оцетот не е зачин, но вреди да се најде на листата. Овој оцет има богат вкус и драстично го подобрува вкусот на секоја салата и неретко е подобар избор од „обичниот“ оцет.

Добар е за крвниот притисок и нивото на шеќер во крвта, а може да ја подобри и дигестијата.

Цимет

Циметот го намалува нивото на шеќер во крвта и е одличен за здравјето на срцето.

Можете да го додадете во јогурт, овошни салати, житарици, па дури и во кафето ако сакате посебна (божиќна) арома.

Ѓумбир

Веројатно не треба да ви кажуваме за бројните здравствени придобивки од ѓумбирот. Покрај тоа што ја подобрува дигестијата и ја намалува мачнината, ѓумбирот е одличен сојузник и во борбата против килограмите.

Чајот од ѓумбир е доста популарен, а како зачин можете да го додадете во супи, разни десерти и свежо цедени сокови.

Бибер

Биберот дефинитивно е најупотребуваниот зачин на листата, и тоа со причина.

Тој има моќни антиоксиданти својства и е добар за целокупното здравје.

Овој зачин можете да го додадете во скоро сите солени јадења, особено ако сакате малку лут вкус.

Уште пет зачини на следната страница...