10 правила со кои Французинките ја одржуваат линијата, без да се откажат од омилената храна

Наместо да ја избегнуваат омилената храна, вклучувајќи ги и вкусните француски десерти, Французинките настојуваат да бидат умерени – кои други трикови им помагаат да ја одржат нивната линија?

Французинките се сметаат за едни од најубавите жени во светот, а ако прошетате низ француските градови, ќе забележите дека речиси и да нема жени со прекумерна тежина.

Ова се должи на неколку едноставни правила што ги следат Французинките кога станува збор за исхрана.

Дел од нив во продолжение:

Не јадат печива за појадок

Иако печивата, особено кроасаните, се синоним за француски појадок, Французинките ги избегнуваат.

Француските печива се вкусни, но сепак станува збор за тесто, па ако ги јадете секое утро, јасно е дека можно е да качите некој килограм.

Французинките преферираат да јадат житарици или двопек со путер и џем.

Јадат помали порции

Многу полесно е да изедете помала количина од омиленото јадење, отколку целосно да се откажете од него.

Французинките многу добро го знаат овој трик. Па, наместо да се откажуваат од храната што ја сакаат, тие само ги намалуваат порциите.

Јадењето е ритуал

Многу брзото јадење може да предизвика дебелина, а ова го потврдува и науката.

Неколку истражувања покажале дека луѓето со прекумерна тежина јадат побрзо и помалку ја џвакаат храната за разлика од луѓето кои се послаби.

Кога ја џвакаме храната подолго, ќе се чувствуваме сити со помало количество храна. Од друга страна, ако јадете многу брзо, можно е дури и несвесно да се прејадете.

На Французинките им е познат овој факт, па тие јадат бавно, уживаат во секој залак и за нив јадењето е ритуал.

Избегнуваат ужини помеѓу оброците

Многу луѓе пробуваат да се хранат здраво и јадат генерално здрави оброци за појадок, ручек или вечера.

Но, повеќето имаат навика да грицкаат нешто помеѓу оброците, па внесуваат дополнителни калории и масти.

Ако сте изеле малку храна за време на главниот оброк, ужината како бадеми нема да предизвика проблеми.

Но, ако сте изеле многу храна за време на оброкот, ужината е само дополнителни калории кои со текот на времето можат да ја зголемат вашата тежина.

Разни видови сирење и кашкавал наместо десерт

Французите произведуваат стотици видови сирење и кашкавал, па оваа храна е важен дел од нивната исхрана.

Всушност, тие неретко го завршуваат оброкот не со десерт, туку со некој вид сирење или кашкавал.

Иако не треба да се претерува ни со овие продукти, генерално тие се поздрава опција од торти и колачиња.

Продолжува на следната страница...