10 трикови за складирање со кои храната ќе ви трае многу подолго

Избришете ги тиквичките со хартиен бришач за раце пред да ги ставите во фрижидер, а печурките ставете ги во хартиена кеса во фрижидер.

Некои намирници, особено овошјето и зеленчукот, немаат многу долг рок на траење. А, откако ќе почнат да скапуваат, не ни останува ништо друго освен да ги фрлиме.

Сепак, можете да го продолжите рокот на траење на многу продукти само ако обрнете внимание на начинот на којшто ги складирате.

Неколку совети и трикови што ќе ви помогнат во ова:

Немојте да ги миете тиквичките откако ќе ги купите, туку дури кога ќе сакате да ги готвите. Препорачливо е и пред да ги ставите во фрижидер да го соберете вишокот влага од нив со хартиен бришач за раце.

Колачињата ќе бидат свежи и крцкави многу подолго време ако ги ставите во добро затворен сад за храна.

За да им го продолжите рокот на свежите зачини, како босилек, ставете ги во чаша со вода (како цвеќе во вазна). Можете и да ги покриете со кеса за да траат уште подолго.

Немојте да чувате отворени конзерви во фрижидерот. Покрај тоа што храната во нив ќе се расипе побрзо, мирисот од конзервата ќе се рашири низ целиот фрижидер. Можете да ставите силиконски капак врз конзервата или да ја префрлите храната во добро затворен сад. 

Ако имате малку зелени домати кои сакате да ги изедете побрзо, чувајте ги на собна температура, но свртени надолу (како на фотографијата). На овој начин тие ќе созреат побрзо, но нема да омекнат многу. Ако, пак, сакате да го забавите зреењето, чувајте ги во фрижидер.

Уште пет трикови на следната страница...