Делови од овошјето и зеленчукот што обично ги фрламе, но се добри за здравјето

Кората од портокал е богата со калциум и витамини А, Б6 и Ц, а можете да ја додадете во свежи сокови, да ја кандирате, па дури и да направите мармалад од неа.

Некои делови од овошјето и зеленчукот, како лушпи или семки, ги фрламе без многу размислување.

Но, некои од нив се полни со корисни хранливи материи и лесно се вметнуваат во бројни јадења.

Кои делови од храната не треба да ги фрлате?

Семки од тиква

Немојте да ги фрлате семките од тиква – испечете ги и ќе имате здрави грицки.

Семките од тиква се богати со многу корисни хранливи материи и ја подобруваат дигестијата.

Кoра од лубеница

Веројатно не би помислиле да ја јадете кората од лубеница, но знаевте ли дека можете да ја искористите за слатко?

Можете и да го одвоите белиот од зелениот дел и да го додадете во свежи сокови.

Кoрата од лубеницата е богата со хранливи материи, како витамини А, Ц и Б6, како и антиоксиданти.

Ливчиња од морков

Листовите на морковот не само што се безбедни за јадење, туку содржат и многу хранливи материи, вклучувајќи витамин А, хранливи влакна, витамин Ц, калциум и железо.

Можете да ги додадете во свежи сокови и супи, но и да направите намаз од нив во комбинација со маслиново масло и зачини.

Лушпа од краставица

Ќе внесете многу повеќе корисни хранливи материи ако престанете да ја лупите краставицата.

Лушпата содржи минерали како магнезиум и калиум, како и хранливи влакна, витамин К и витамин Ц.

Продолжува на следната страница...